Олунньу 29 күнүгэр үгэскэ кубулуйбут Дьокуускай куоракка олорор Сунтаар улууһун үөрэҕин бэтэрээннэрин көрсүһүүтэ үрдүк таһымнаахтык ааста. Бу күн 149 педагогическай үлэ бэтэрээннэрэ (оскуолалар, оҕо уьуйааннара) кэлэн күндү ыалдьыт буоллулар.
Көрсүһүүгэ улууспут Аҕа баһылыга Анатолий Григорьев, Ил Түмэн депутаттара Афанасий Постников, Андрей Николаев, өрөспүүбүлүкэҕэ биллэр педагог-салайааччылар Варвара Сергеевна Иванова-Зверева, Надежда Шиндикеевна Карамзина уонна да атыттар бэйэлэрин эҕэрдэ-алгыс тылларын эттилэр.
Педагогическай үлэ бэтэрээннэрэ бэйэлэрин ахтыыларынан үллэһиннилэр. Кинилэр идэтийбит үлэлэрин ыарахаттарын, үөрүүлэрин кэпсээтилэр. Түмүккэ дьоһуннаах боппуруостары дьүүллэһии буолла. Инникитин улууспут үөрэҕэ сайдыытын туһугар, бары биир сомоҕо буолан түмсэн, сүбэлэһэн инники кэнчээри ыччаттарбытын сайыннарыаххайын диэн биир санааҕа кэллибит.
