Бүгүн, кулун тутар 13 күнүгэр, Правительство дьиэтигэр «Будущий дипломат-2024» республикатааҕы куонкурус үөрүүлээх сиэрэ-туома ыытылынна.
Тэрээһин ыччакка патриотическай өйү-санааны иитиигэ, Россия тас политикатыгар, аан дойду сыһыаннаһыыларыгар уонна оҕолор идэни талыыларыгар болҕомтону тардыы буолар. Инники түһүмэххэ саамай бастыҥ түмүктэри көрдөрбүт 54 оскуола үөрэнээччитэ быһаарыллыбыт. Кинилэр «Кыра лига» (18 кыттааччы) «Улахан лига» (36 кыттааччы) арахсан икки күн устата норуоттар икки ардыларынааҕы сыһыаны кытта сибээстээх араас темаларга дьүүллэһэн, бэйэлэрин билиилэрин-көрүүлэрин, сатабылларын көрдөрдүлэр.
Ол курдук, биһиги улууспутуттан Сунтаардааҕы политехническэй лиссиэй 9-с кылааһын үөрэнээччитэ Федот Алексеев бастакы истиэпэннээх дипломант буолла. Оҕобутун үрдүк ситиһиитинэн истиҥник эҕэрдэлиибит, инникитин үрдүк дабайыылары баҕарабыт!
