Кулун тутар 12 күнүгэр Түбэй-Дьаархан орто оскуолатыгар Ньурба улууһун Акана орто оскуолатын учууталлара, оҕо түмсүүтүн чилиэннэрэ опыт атастаһа кэлэ сырыттылар. Эбиэт иннигэр аһаҕас уруоктар ыытылыннылар. Ол курдук, Акана оскуолатын учууталлара Васильев Михаил Николаевич 4 кылааска тулалыыр эйгэ уруогун, Неустроева Лаура Николаевна 7 кылааска физика уруогун, Аргунова Степанида Григорьевна 6 кылааска аангылыйа тылын уруогун ыыттылар. Биһиги оскуолабыт учууталлара Кожина Жанна Валериевна 8 кылааска аангылыйа тылын, Федорова Соломаида Валериевна 8 кылааска физика, Петрова Татьяна Даниловна 9 кылааска обществознание, Титова Любовь Сергеевна 8 кылааска саха тылын уруоктарын ыыттылар.
Эбиэт кэннэ кэлбит ыалдьыттар Ыгыаттатааҕы С. А. Зверев түмэлигэр сырыттылар. Онтон Иванов Эдуард Васильевич робототехника5а, Акана технологияҕа учуутала Иванова Анна Юрьевна таҥас быһарга маастар-кылаастары көрдөрдүлэр. «Бастыҥнар хамсааһыннарын» — «Эрэл» уонна «Дьулус» оҕо түмсүүлэрин актыбыыстара көрсөн кэпсэттилэр, оонньоотулар.
Түмүккэ, төгүрүк остуол тула кэпсэтии буолла. Акана оскуолатын директора Мигалкина Екатерина Федоровна оскуолатын үлэтин-хамнаһын билиһиннэрдэ. Учууталлар санаа атастаһан инники үлэлэрин торумнаатылар, бииргэ үлэлэһэргэ сөбүлэҥ барылын бигэргэтэн илии баттастылар.
