Кулун тутар 21 күнүгэр бастакы региональнай алын сүһүөх кылаас учууталларын методическай холбоһуктарын ”Айымньыта суох учуутал суох” бэстибээл С. А. Зверев – Кыыл Уолун аатынан култуура киинигэр үөрүүлээх арыллыыта буолла. Бэстибээл С.Н. Донской –II аатынан Саха Республикатын идэтийиигэ эбии үөрэхтээһинин автономнай тэрилтэтин yөрэҕи сайыннарар уонна идэни yрдэтэр институт, Сунтаар улууһун үөрэҕин салалтатын, Элгээйи орто оскуолатын уонна В. Г. Павлов Сунтаардааҕы алын сүһүөх оскуолатын тэрийиилэринэн ыытыллар. Манна Бүлүү, Үөһээ бүлүү, Ньурба, Сунтаар улуустарын педагогтара инники педагогическай уопуттарын тарҕатар сыаллаах муһуннулар.
Тэрээһин үөрүүлээх чааһыгар өр сылларга таһаарыылаахтык үлэлээбит алын сүһүөх кылаас учууталларын чиэстээтилэр. Сунтаар улууһун үөрэҕин салалтатын салайааччытын бастакы солбуйааччы Владимир Уаров мустубут дьону эҕэрдэлээн туран, наҕараадалары туттартаата. Ол курдук: • Үөрэх эйгэтигэр өр сыллаах бэриниилээх, таһаарыылах үлэлэрин иһин Семен Николаевич Донской аатынан учууталлар идэлэрин үрдэтэр институт Бочуотунай грамотатынан наҕараадаланнылар: 1. Андреева Саргылана Ивановна, Сунтаар иккис нүөмэрдээх орто оскуолатын алын кылааһын учуутала; 2. Герасимова Ираида Михайловна, Күүкэй политехническай орто оскуолатын алын кылааһын учуутала; 3. Иванова Лена Васильевна, Элгээйи орто оскуолатын алын кылааһын учуутала. • Семен Николаевич Донской аатынан учууталлар идэлэрин үрдэтэр институт Махтал суруга туттарылынна: 1. Кириллина Наталья Анатольевна5а, Сунтаар уьус нүөмэрдээх орто оскуолатын алын кылааһын учууталыгар. • Сунтаар улууһун үөрэҕириитин сайдыытыгар бэйэтин урдук кылаатын уонна таһаарыылаах үлэтин иһин Сунтаар улууһун баһылыгын Грамотатынан на5араадаланнылар: 1. Ким Зинаида Викторовна, Элгээйи орто оскуолатын алын кылааһын учутала. • Үүнэр көлүөнэни үөрэтэр уонна иитэр үлэ5э бэриниилээх үлэлэрин иһин, Региональнай бэстибээл тэрээһинигэр эппиэтинэстээх-көхтөөх көрдөрүүлэрин иһин Сунтаар улууһун үөрэҕин Махтал суруктара туттарылынна: 1. Яковлева Светлана Юрьевна5а, Сунтаар бастакы нуемэрдээх орто оскуолатын алын кылааһын учууталыгар; 2. Федотова Виктория Витальевна5а, Элгээйи орто оскуолатын алын кылааһын учууталыгар; 3. Васильева Наталия Владимировна5а, Сунтаар алын сүһүөх оскуолатын учууталыгар; 4. Петрова Светлана Александровна5а, Сунтаар алын сүһүөх оскуолатын учууталыгар; 5. Аргунов Владислав Георгиевичка, Сунтаар алын сүһүөх оскуолатын учууталыгар; 6. Матросова Юлия Станиславовна5а, Сунтаар алын сүһүөх оскуолатын учууталыгар; 7. Михайлова Лариса Тимофеевна5а, Сунтаар алын сүһүөх оскуолатын омук тылын учууталыгар.
Кулун тутар 22 күнүгэр В.Г. Павлов аатынан Сунтаар алын сүһүөх оскуолатыгар «Айымньыта суох учуутал суох» регионнааҕы бэстибээл чэрчитинэн аһаҕас уруоктар ыытылыннылар. Үһүс түһүмэххэ кыттааччылар сатабылларын уонна араас ньымаларын көрдөрдүлэр. Хас биирдии хамаанда бэйэлэрин талааннарын көрдөрөн, оонньуу нөҥүө саҥа билиини-көрүүнү оҕолорго иҥэрдилэр. Ол кэннэ бэстибээл төрдүс түһүмэҕэ «Өркөн өй» буолла. Кыттааччылар аҕыс түһүмэххэ тургутууну аастылар. Тэрийээччилэр араас култуурнай дьаһаллары киллэрбиттэрэ бэлиэтэнэр. Ыалдьыттар бэстибээл программатынан Сунтаар улууһун үөрэҕин салалтатын уонна С.А. Зверев аатынан түмэллэрин кытта билистилэр. Ону сэргэ алын сүһүөх кылаас учууталлара бэйэлэрин быыстапкаларын туруоран киэҥ интэриэһи тартылар.
Дьүүллүүр сүбэ уһуннук толкуйдаан, ыараҥнатан икки күннээх үлэ түмүгүн таһаарда.
Ол курдук: 3 истиэпэннээх лауреат иҥэрилиннэ Элгээйи куустатын холбоһуктаах хамаандатыгар; 2 истиэпэннээх лауреат — В.Г. Павлов аатынан алын сүһүөх оскуолатын хамаандатыгар; Муҥутуур кыайыылааҕынан таҕыста Үөһээ Бүлүү улууһун алын кылаас учууталларын холбоһуктаах хамаандата.
Ону таһынан анал ааттар иҥэрилиннилэр: 1. «Профессионализм» — Ньурба гимназиятын алын сүһүөх кылаас учууталларын хамаандатыгар; 2. »Педагогическое творчество» — Бүлүү улууһун алын кылаас учууталларын хамаандатыгар; 3. »Компетентность» — Ньурба үһүс нүөмэрдээх алын сүһүөх оскуолатын хамаандатыгар.
«Айымныта суох учуутал суох» алын кылаас учууталларын бастакы регионнааҕы бэстибээлэ сомоҕолоһуу биир көрүҥэ буолла. Кыттааччылар салгыы айымньылаахтык үлэлииргэ көҕүлээһиннэри, күүһү-уоҕу ыллылар. Бэстибээл айымньы — үүнэр көлүөнэ ситиһиилээх личность буола улаатарыгар туспа үөрэх ньымата буоларын бигэргэттэ.
