Аан дойду үрдүнэн «COVID-19» сыстыганнаах ыарыы тарҕанан эрэринэн, үөрэнээччилэр дистанционнай үөрэхтээһиҥҥэ көспүттэринэн сибээстээн, Сунтаар улууһугар харчытынан кыаммат, элбэх оҕолоох кыаммат үөрэнээчилэрдээх дьиэ кэргэҥҥэ уонна тулаайах хаалбыт оҕолорго Саха Өрөспүүбүлүкэтин үөрэҕириитин министиэристибэтин дьаһалынан үөрэх тэрилтэлэрэ көмө бородуукта түҥэтэн саҕалаатылар. Бу көмөнү ыларга, төрөппүт оҕото үөрэнэр оскуолатыгар сайабылыанньатын тиксэриэн наада.
Санитарнай эпидемологическай ирдэбилгэ, үөрэнээччи сааһын уратытын учуоттаан уонна бигэргэтиллибит менюттан олоҕуран өрөспүүбүлүкэтээҕи Роспотребнадзор салалтата рекомендация ньыматынан бигэргэппит бородуукталарыттан оскуола тугу биэрэрин бэйэтэ быһаарынар. Нэдиэлэ устата оскуолалар бородуукта түҥэтэр пууннары бэлэмнээн, кыһалҕалаахтарга тиксэриэхтэрэ. Маннык набордары үөрэнээччилэр төрөппүттэрэ (сокуоннай представителлэрэ) оскуола дьаһаммыт усулуобуйатынан нэдиэлэҕэ биирдэ, эбэтэр икки нэдиэлэҕэ биирдэ ылар буолуохтара.
