Бастакы күнүгэр химия, обществознание, информатика учууталларыгар онлайн-семинардар, үөрэх тэрилтэлэрин салайааччыларыгар, методистарыгар, педагог-организатордарга, кылаас салайааччыларыгар тематическай площадкалар тэрилиннилэр. Олунньутааҕы сүбэ мунньах иккис күнүгэр 11ч. норуот үөрэҕириитин музейын салайааччыта Иванова А.Г. “Кэм-кэрдии кэрэһиттэрэ” кинигэтин презентацията буолла. Альбина Григорьевна сурукка тиһиллибит матырыйааллары сааһылаан, архыып докумуоннарыгар олоҕуран суруйан, хомуйан таһаарбыт кинигэтэ Сунтаар улууһун үөрэҕириитин историятын 1862 — 1945 сс. сырдатар дирин ис хоһоонноох үйэлээх өйдөбүнньүк буолар. Күнүс 14ч. Олунньутааҕы сүбэ мунньах пленарнай чааһыгар кыттыыны ыллылар: Сунтаар улууһун Аҕа баһылыга Григорьев А.В., Сунтаар улууһун депутаттарын Сэбиэтин председателэ Попова У.Д., Сунтаар улууһун баһылыгын социальнай уонна имиджевай политикаҕа солбуйааччыта Еремеев Г.М. Аҕа баһылык Анатолий Васильевич үөрэх хаачыстыбатын үрдэтиигэ концепция ылынан үлэлииргэ тустаах сыал-сорук туруорда. Сунтаар улууһун депутаттарын Сэбиэтин председателэ Попова У.Д. үөрэх систематыгар РФ, СӨ правительстволара улахан суолта ууралларын, IT-технология күүскэ сайдыбытын, педагогтар науканан дьарыктаныахтарын наадатын, тыа учууталын статуһун туһунан сокуон бастакы торумун тустарынан эттэ. Сунтаар улууһун үөрэҕин салалтатын начальнига Иванов А.И. сүрүн дакылаатыгар үөрэх хаачыстыбатын, инники былааннары, “Образование” национальнай бырайыак үлэлэрин тустарынан кэпсээтэ. Альберт Ионович Аҕа баһылык Анатолий Васильевичка үөрэх хайысхатын сайдыытыгар улахан күүс-көмө, тирэх буоларын иһин улахан махталын эттэ. Ол курдук, улуус дьаһалтатын өттүттэн бириэмэтигэр кэлэр софинансирование баар буолан, сыл аайы үөрэх тэрилтэлэрэ “Образование“ национальнай бырайыакка кыттар кыахтаналлар.
Аҕа баһылык Григорьев А.В. Бүтүн Россия, Саха Өрөспүүбүлүкэтин, Сунтаар улууһун үөрэҕириитин сайдыытыгар тус кылаатын, өр сыллаах үрдүк таһаарыылаах үлэтин иһин “Российскай Федерация иитиигэ уонна үөрэхтээһиҥҥэ Бочуоттаах үлэһитэ” бэлиэни Сунтаар нэһилиэгин “Чебурашка” оҕо сайдар киинин музыкальнай салайааччытыгар Гуринова Антонина Николаевнаҕа туттарда. Үөрэҕирии эйгэтигэр өр сыллаах таһаарыылахх улэтин иһин «Учууталлар учууталлара» бэлиэннэн Сунтаар улууһун үөрэҕин салалтатын информационнай- методическай отделын сэбиэдиссэйэ Семенова Туяра Борисовна наҕараадаланна. С.Н.Донской-II аатынан үөрэх сайдыытын уонна педагогтар идэлээх таһымнарын үрдэтэр институтун «Методист Якутии» бэлиэтэ Сунтаар улууһун үөрэҕин салалтатын уопсай үөрэхтээһинин отделын главнай специалиһыгар Павлова Нина Станиславовнаҕа, Сунтаар улууһун оскуолаларын оҕо тэрилтэлэрин үлэлэрин сайдыытыгар тус кылаатын, өр сыллаах үрдүк таһаарыылаах үлэтин иһин СӨ биир сомоҕо оҕо хамсааһынын сайдыытыгар кылаатын иһин бэлиэтэ Н. М. Родионова аатынан Сунтаардааҕы оҕо дьоҕурун сайыннарар киин дириэктэри солбуйааччытыгар Яковлева Айна Павловнаҕа туттарылыннылар. «Worldskills Russia» күрэх чэрчитинэн IX республикатааҕы чемпионат кыайыылаахтарын бэлэмнээбиттэрин иһин Сунтаар улууһун баһылыгын Махтал суруктара туттарылыннылар: Иванова Наталия Ильиничнаҕа, Сунтаардааҕы политехническэй лицей химия учууталыгар; Максимов Андриан Егоровичка, Н. М. Родионова аатынан Сунтаардааҕы оҕо дьоҕурун сайыннарар киин эбии үөрэхтээһин педагогар; Никитин Михаил Иннокентьевичка, Сунтаардааҕы политехническэй лицей эбии үөрэхтээһин педагогар.
Сунтаар улууһун үөрэҕин салалтатын начальнига Иванов А.И. учуутал идэтигэр бэриниилэрин, үөрэх хайысхатын сайдыытыгар тус кылааттарын иһин «Саха Республикатын педагогическай династията» бочуоттаах бэлиэни Акимовтар дьиэ кэргэттэригэр: Династия баһылыгар Сергеева Зинаида Афанасьевнаҕа, Маар Күөл орто оскуолатын математика учууталыгар; Маппаровтар, Яковлевтар дьиэ кэргэттэригэр: Династия баһылыгар Яковлева Наталья Никитичнаҕа, Г.Т. Семенов аатынан Хадан орто оскуолатын математика учууталыгар; Ивановтар дьиэ кэргэттэригэр: Династия баһылыгар Иванова Валентина Петровнаҕа, Бордон орто оскуолатын педагогическай үлэ ветераныгар; Потаповтар дьиэ кэргэттэригэр: Династия баһылыгар Винокурова Валентина Николаевнаҕа, П.Х. Староватов аатынан Элгээйи орто оскуолатын нуучча тылын уонна литературатын учууталыгар туттарда.
Олунньу 19 күнүгэр сүбэ мунньах чэрчитинэн төрөппүттэргэ аналлаах аһаҕас мунньах ZOOM платформаҕа ыытылынна.
