Герасимов М.И. аатынан Сунтаар санаторнай оскуола-интернат бырайыагынан улуус оскуолаларын алын кылааһын үөрэнээччилэрин КВН хамаандаларын улуустааҕы “КВН-juniors” күрэх 2-с төгүлүн ыытылынна. Барыта 13 хамаанда, 106 алын кылаас үөрэнээччилэрэ кытыннылар.
Быйылгы күрэх уратылаах буолла–КВН хамаандаларын оонньууларын видео-матырыйаалларын кэтэхтэн көрүү ыытылынна. Бастакы сүүмэрдээһин түһүмэххэ 13 хамаанда 2 сорудаҕы толорон ыыттылар: “Дорообо, КВН” диэн темалаах бэйэни билиһиннэрии уонна “Арай биирдэ…” темаҕа музыкальнай нүөмэрдэрин дьүүллүүр сүбэ сыаналаата. Дьүүллүүр сүбэ састааба: М.И.Попова – улуус үөрэҕириитин салалтатын информационнай-методическай отдел кылаабынай специалиһа, Н.В.Уарова – психолог, республикатааҕы Саха-КВН 3 төгүллээх чемпион «Кыһыылаах кыраһаапчыктар» КВН хамаандатын салайааччыта, Винокурова А.В. — Сунтаардааҕы ис дьыала органын ПДН инспектора, Филиппов А.А. – Сунтаардааҕы гимназия методист-организатора, рук. команды КВН «Дьүкээбил уоттара» КВН хамаандатын салайааччыта, Иванов Г.В. – улуус үөрэҕириитин салалтатын сүрүннүүр специалиһа, Лидочен Н.В. – Сунтаар улууһун ыччат отделын кылаабынай специалиһа.
Бастакы сүүмэрдиир тууру 8 хамаанда ааһан, кыайан — хотон 2 турга — финалга ахсынньы ый 9 күнүгэр күөн көрүстүлэр. Манна хамаандалар 2 көрүҥҥэ күрэс былдьастылар: “Дьиэтээҕи сорудах” (тиэмэтэ “Дистанционнай үөрэх көрүдьүөстэрэ”) уонна “StandUP” (капитаннар күрэхтэрэ). Финал кэтэхтэн көрүү форматынан ааста. Хамаандалар бары үрдүк бэлэмнээх кыттыбыттарын дьүүллүүр сүбэ бэлиэтээтэ. Кыттыбыт хамаандалар финалы онлайн киирэн долгуйа көрдүлэр. Урукку КВН күрэхтэрин кыайыылаахтара – эдэр ыччат хамаандата видеоэҕэрдэ ыытан үөрүүлээх тэрээһини киэргэттэ.
Сунтаар улууҺун оскуолаларын алын кылааһын үөрэнээччилэрин КВН хамаандаларын улуустааҕы “КВН-juniors” 2-с күрэ5ин түмүгэ:
• Гран-при – М.И.Герасимов аатынан Сунтаар санаторнай интернат-оскуолатын хамаандата — «Тигээйи уйата», сал. Захаров М.А.;
• I истиэпэннээх лауреат – В.Г.Павлов аатынан Сунтаар начальнай оскуолатын «Һунтаар һакалааттара» хамаандата, сал. Фёдоров С.С.;
• II истиэпэннээх лауреат — «О5очооскулар» М.Н.Анисимов аатынан Сиэйэ орто оскуолатын хамаандата, сал.Степанова Л.И.;
• III истиэпэннээх лауреат — Илимниир оскуолатын «Кэскил» хамаандата, сал. ИвановаТ.В.;
• «Сатабыллаах салайааччы» — Захаров М.А., М.И.Герасимов аатынан Сунтаар санаторнай оскуола-интернатын «Тигээйи уйата» хамаанда салайааччыта;
• «Күн Күлүүк» (Мисс КВН) – Айсаара Фомина, «О5очооскулар» М.Н.Анисимов аатынан Сиэйэ орто оскуолатын хамаандата;
• «Көрдөөх Көкөт» (Мистер КВН) – Дьулус Тимофеев, А.К.Акимов аатынан Күүкэй орто оскуолатын «Тэбэнэт» хамаандата;
• «Бастыҥ бэйэни билиһиннэрии» — Маар-Күөл орто оскуолатын «Айуу чэ» хамаандата, сал. Саввинова В.Д.;
• «Алтай чуораан» — А.К.Акимов аатынан Күүкэй орто оскуолатын «Тэбэнэт» хамаанда, сал. Готовцева С.М.;
• «Бастыҥ дьиэтээҕи сорудах» — А.П.Павлов аатынан Сунтаар 1№дээх орто оскуолатын «Хаадьы» хамаандата, сал.Лукин А.В.;
• «Бастыҥ операторскай үлэ» — В.Г.Павлов аатынан Сунтаар начальнай оскуолатын «Һунтаар һакалааттара» хамаандата, сал. Фёдоров С.С.;
• «Кыайыыга дьулуур» — П.Х.Староватов аатынан Элгээйи орто оскуолатын «Элгээйи бэчиэнньэлэрэ» хамаандата, сал. Игнатьева А.А.
Информационнай-методическай отдел
