Уот кыһыл хаалтыстаах, кыыһар кыһыл Знамялаах Владимир Ильич Ленин аатынан Бүтүн Союзтааҕы пионерскай тэрилтэ 100 сылынан Сунтаар улууһун Кутана орто оскуолатыгар торжественнай линейка буолбута. Линейкабытыгар кыттыыны ыллылар 1-11 кылаас уорэнээччилэрэ, пионер учууталлар, юнармия, «Бригантина» патриотическай кулууп оҕолоро. Хас биирдии о5о кыьыл хаалтыс кэтэн кэлбитэ олус астык этэ.
Линейканы Михайлова Саргылана Александровна уонна Андреев Семен Михайлович ыыттылар.
Биһиэхэ сыл аайы 19 Маайга, Пионерия күнүгэр, оскуола аттыгар баар, 1941-1945 сс учуутал буойуттарга, ол сыллардааҕы учууталларга анаммыт, тимир памятник иннигэр линейкалыыбыт.
Пионерскай Знамяны туйгун үөрэнээччи Алла Иванова 5кл күөрэччи тутан киллэрдэ. Кэскил Куприянов, Марк Васильев арыаллаатылар. Речевканан доҕуһуолланан пионерскай этэрээт киирэрин көрдүбүт.Онтон «Бригантина» байыастара памятникка гирлянда уурбуттара. Урут пионер буолан сүүрбүт-көппүт учууталларбытын эҕэрдэлээтибит.
Третьякова Изабелла Николаевна, урут Сунтардааҕы Пионер дьиэтин директора, эҕэрдэ тылы эттэ. Пионер инники сылдьааччы, чиэһинэй, хорсун, Ийэ дойдуга бэриниилээх, көмөҕө уонна көхтөөх үлэҕэ мэлдьи бэлэм диэн өйдөөтүбүт.Семен Михайлович ветеран пионердар, пионер баһаатайдар үлэлэринэн-хамнастарынан билигин да холобур буолаллар диэн тоһоҕолоон эттэ.
Линейка бүтүүтэ пионерия гимнин «Взвейтесь кострами» ыллаабыппыт. Оҕо барыта кыыһар кыһыл хаалтыстаах сылдьара үчүгэй да эбит. Алын кылаастарга сэргэх кылаас чаастара буолбуттара.
Бу Пионерия күнэ өйбүтүгэр хаалыа.
Кэскилээнэ Куприянова, 10 кыл. «Кутана кыымнара» пост. 20.05.2022
