Ол курдук алтынньы 5-6 куннэригэр, Саха сирин улуустарыттан уонна Дьокуускай куораттан, уопсайа, 32 педагог кытынна. Санатан эттэххэ, бу кэлэр сыл Арассыыйаҕа дойдубут бэрэсидьиэнэ Владимир Путин Педагог уонна наставник сылынан биллэрэрин туһунан иһитиннэрбитэ. Ол чэрчитинэн бу күрэс ыытылынна.
Сунтаардааҕы 5 нуемэрдээх «Ньургуһун» оҕо сайдар киинин иитээччилэрэ Алена Николаева, Надежда Алексеева Сунтаар улууһун аатыттан кыттаннар 2-с истиэпэннээх лауреат үрдүк аатын ылан кэллилэр. Күрэс кыайыылаахтарынан Уус Майа педагогтара буоллулар. Күрэс хас да түһүмэхтээх ааста: бырайыак, дорожнай карта көмүскээһинэ, дьарык ыытыыта, төгүрүк остуолга санаа үллэстиитэ, ыйытыыларга эппиэттээһин курдук тургутуулары кыттааччылар ааспыттара.
Дьүүллүүр сүбэ чилиэннэрэ
- ИРОиПК оскуола иннинээҕи отделын сэбиэдиссэйэ
Надежда Лебедева, ИРОиПК оскуола иннинээҕи отделын доцена Татьяна Колмогорова, Алдан куорат департаменын исписэлиистэрэ уонна Сунтаар улууһун оскуола иннинээҕи отделын исписэлииһэ Герман Иванов икки күн устата күүстээх үлэни ыытан, сөптөөх түмүгү таһааран кыайыылаахтары быһаарбыттара.
