Уон күн устата ыытыллыбыт тэрээһиҥҥэ 269 үөрэнээччи 29 хайысхаҕа 11 үөрэх дьиэлэринэн, тэрилтэлэринэн тарҕаһан кытыннылар. Барыта 91 эксперт, ол иһигэр үөрэхтээһин эйгэтиттэн педагогтар, инструктордар, уһуйааччылар, араас тэрилтэлэртэн, ветеринария салалтатыттан, тумэлтэн, Сунтаар технологическай коллеьыттан, баһаарынай чаастан салайааччылар, специалистар, ону тэҥэ араас дьыаланы тэринэн үлэлии олорор урбаанньыттар, норуот маастардара кэлэннэр эдэр кыттааччылар үлэлэрин сыаналаатылар.
Ордук элбэх оҕо «Спасательные работы», «Хаартыска5а туьэрии», «Маһынан уһаныы», «Коммуникабельность», «Эстетическая косметология», «Флористика», «Технология моды» хайысхаларыгар кытыннылар. Түмүккэ Сунтаардааҕы политехническэй лиссиэй, Н.М. Родионова аатынан О5о дьо5урун сайыннарар киин, Сунтаардаа5ы гимназия кыттааччылара мэтээллэрин ахсааннарынан уонна хаачыстыбаларынан инники күөҥҥэ таҕыстылар. Тыа оскуолаларыттан Бордоҥ, Тойбохой, Күндэйэ, Кириэстээх, Бүлүүчээн оскуолалара ордук актыыбнай кыттыыны ылбыттарын бэлиэтиир тоҕоостоох.
«Спасательные работы», «Эстетическая косметология», » Кухня народов Севера и Арктики», «Предпринимательство» хайысхалара улууска маҥнайгы төгүлүн ыытылыннылар, инникитин бу хайысхалары ессе сайыннаран, эбэн ыытыахпыт.
Ааспыт сылга ыытыллыбыт улуустааҕы күрэхтэһиигэ эдэр профессионаллар 23 хайысхаҕа, 191 о5о күрэхтэспит эбит буоллахтарына, быйыл 29 хайысхаҕа кытыннылар.
Мантан көстөрүнэн, бу чөмпүйэнээккэ интэриэс улаатан, оҕолор сатабыллара уонна дьо5урдара сайданнар, идэҕэ бэлэмнээһиҥҥэ үлэ кэҥээн иһэрэ бэлиэтэннэ. Бу хайысха көмөтүнэн оҕо сэргиир, талыан баҕарбыт инники идэтин дириҥник үөрэтэригэр уонна бэйэтин холонон көрөрүгэр олук ууруллар.
Өрөспүүбүлүкэтээҕи түһүмэх кулун тутар-муус устар ыйдарга ыытыллар, онон чөмпүйүөннэр сүүмэрдиир түһүмэххэ бэлэмнэниэхтэрэ. Күрэхтэһиини ыытарбытыгар кыттыбыт оҕолор төрөппүттэрэ күүс — көмө буолбуттарыгар, ону тэҥэ тэрээһиҥҥэ эрдэттэн сүүрбүт-көппүт эспиэрдэрбитигэр, оскуолаларбытыгар, Н.М. Родионова аатынан О5о дьо5урун сайыннарар кииццэ, көмө буолбут тэрилтэлэрбитигэр, урбаанньыттарбытыгар Сунтаар улууьун уэрэ5ин салалтатын аатыттан улахан махталбытын тириэрдэбит.
