Олунньу 10 күнүгэр С.А.Зверев аатынан Түбэй-Дьаархан орто оскуолатыгар «Наставничество как деятельностное сопровождение молодого педагога начальной школы» диэн улуустааҕы семинар буолан ааста. Улуус араас оскуолаларыттан 74 учуутал кыттыыны ыллылар. 1-4 кылаастарга 14 учуутал аһаҕас уруоктары, 15 учуутал уруок таһынааҕы дьарыктары, маастар-кылаастары ыыттылар. 3 учуутал бэйэлэрин үлэлэрин опытыттан кэпсээтилэр. Олус сэргэх, интэриэһинэй араас хабааннаах уруоктар, занятиелар буоллулар, учууталлар опыт атастаһан, санаа үллэстэн элбэх саҥаны биллилэр-көрдүлэр. Семинар чэрчитинэн технология учуутала Аммосова Надежда Николаевна бэйэтин уонна үөрэнээччилэрин үлэлэрин выставката туруорулунна. Кэлбит ыалдьыттарга педагог-психолог Петрова Татьяна Даниловна психологическай оонньуу тэрийэн ыытта. Маны сэргэ ыалдьыттар Ыгыатта5а С. А. Зверев музей-уһаайбатын тахсан көрөн сэргээн киирдилэр. Бүтэһигэр итии чэйдээх төгүрүк остуолга олорон бүгүҥҥү семинары ырытыһан, санаа атастаһан тумуктээтилэр.
