Бүгүн, сааскы сандаархай күҥҥэ, Арассыыйаҕа Дьиэ кэргэн сылыгар, Өрөспүүбүлүкэҕэ Оҕо саас сылыгар аналлаах улуустааҕы «Лейся, песня» вокальнай дуэттар куоҥкурустара буолан ааста. Тэрээһиҥҥэ 17 учуутал үөрэнээччитинээн кыттыыны ыллылар. Сунтаардааҕы санаторнай оскуола саалата өрөгөйө үрдээн, дьон астынан-дуоһуйан тарҕаста. Дьүүллүүр сүбэ састаабыгар Сунтаар үөрэҕин салалтатын информационнай-методическай отделын исписэлиистэрэ Татьяна Жиркова, Маргарита Попова, Сунтаардааҕы оҕо искусствотын оскуолатын учуутала Зоя Уарова, Сунтаардааҕы гимназия педагога Алена Сергеева, «Березка» уһуйаан музыкальнай салайааччыта Наталья Констанитонова, Сунтаардаҕы санаторнай оскуола алын кылааһын учуутала Эльмира Григорьева киирдилэр.
Кыттааччылар кыайыы эрэ иһин буолбакка, бэйэлэрин талааннарын билиниигэ күрэхтэстилэр. Дьүүллүүр сүбэ сөптөөх быһаарыыны ылынарга хас биирдии ырыаны болҕомтолоохтук иһиттэ. Куоҥкурус кыттыылаахтара бэйэлэрин ырыаларынан ис дууһаларын көрөөчччүлэригэр туттардылар. Кинилэр мааны куоластара ыраастык уонна истиҥник иһиллэн, хас нотаҕа киллэрбит иэйиилэрэ көрөөччүлэри үөртэ. Хас биирдии дуэт бэйэтин ураты айымньылаах дьоҕурун, бэйэтин хатыламмат энергиятын көрдөрдө.
Дьүүллүүр сүбэ кыайыылаахтары үтүөлээх бириистэринэн наҕараадалаатылар. Ол курдук куоҥкурус түмүгэ маннык буолла: 3-үс истиэпэннээх диплом – Новикова Екатерина Ильична, Петрова Вероника, Түбэй; 2-ис истиэпэннээх диплом – Алексеева Марта Антоновна, Колесов Артем, Күүкэй; 1-ы истиэпэннээх диплом – Попова Клавдия Николевна, Тихонова Айвита, Тэҥкэ;
3-үс истиэпэннээх лауреат – Новикова Галина Васильевна, Яковлева Вика, Сунтаар алын сүһүөх оскуолата; 2-ис истиэпэннээх лауреат – Лобашков Михаил Михайлович, Глухарева Анита, Бүлүүчээн; 1-ы истиэпэннээх лауреат – Федотова Виктория Витальевна, Егорова Коломбиана, Элгээйи;
Кылаан кыайыылааҕынан буоллулар Николаева Мария Спиридоновна, Аммосов Ваня, Сунтаардааҕы санаторнай оскуола.
«Лейся, песня» вокальнай дуэттар куоҥкурустара бары кыттааччыларга уонна көрөөччүлэргэ чаҕылхай түгэнинэн, музыка уонна доҕордоһуу бырааһынньыгынан буолла.
