Алтынньы 27 күнүгэр хас сыл аайы буолар норуоттар ыккардыларынааҕы «Географическай диктант — 2019» акция ыытылынна.
Диктааҥҥа уопсайа 5831 былаһаакка үлэлээтэ, оттон Сунтаар улууһугар 11. Ол курдук Тойбохой, Түбэй-Дьаархан, Илимниир, Кэмпэндээйи, Күндэйэ, Сиэйэ, Элгээйи, Уһун-Күөл, Кутана нэһилиэктэрин оскуолалара, ону таһынан Сунтаардааҕы гимназия уонна 3-с нүөмэрдээх оскуолалар кытыннылар. Холбоон 230 кыттааччы, олортон 110 үөрэнээччи уонна 120 улахан дьон.
Географическай диктант Арассыыйа президенын көҕүлээһининэн 2015 сылтан ыытыллар, онтон 2017 сылтан международнай таһымҥа тахсан нуучча уонна английскай тылынан буолар буолбута, былырыын 97 дойду кыттыбыта.